އިތުރު ފަރުވާއަށް ރާއްޖެއިން ބޭރަށް ބަކުރުބޭ ގެންދިއުން ލަސްވަނީ 2 ސަބަބަކާހުރެ އެވެ. އެއީ އާދައިގެ ފްލައިޓެއްގައި ގެންދެވޭ ވަރަށްވުރެ ނާޒުކު ކަމުންނާއި، އެއާރ އެމްބިއުލާންސެއް ޗާޓަރުކޮށްގެން ގެންދިއުމުގެ އަގު ބޮޑުކަމުން އަދި އެފަދަ ތަނަވަސްކަމެއް ނެތުމާއި އެފަދަ މަގެއް ކޮށިފައި ނެތުމުންނެވެ.
27 ޑިސެމްބަރ ދުވަހުގެރޭ އިރާކޮޅު ފުރަތަމަ ފަހަރު ހާޓް އެޓޭކް ޖެހި،
އައިސީޔޫގައި ފަރުވާ ދެމުން ދިޔައިރު ބަކުރުބޭގެ ޙާލު މަޑުމަޑުން ރަނގަޅުވަމުން އައެވެ. އަދި ރަނގަޅުވަމުން އަންނަ ވަރު މޮނިޓަރކޮށް ބެލުމަށްފަހު ކުރިއަށް ދާގޮތުން ވީހާ އަވަހަކަށް ޢާއްމު ފްލައިޓެއްގައި ބޭރަށް ގެންދިއުމަށް ތައްޔާރުތައް އައީ ކުރެވެމުންނެވެ. ނަމަވެސް ބަކުރުބޭގެ ޙާލު އަނެއްކާވެސް މާބޮޑަށް ގޯސްވެ ކުއްލިއަކަށް މާ ސީރިއަސްވެއްޖެއެވެ.27 ޑިސެމްބަރ ދުވަހުގެރޭ އިރާކޮޅު ފުރަތަމަ ފަހަރު ހާޓް އެޓޭކް ޖެހި،
ބަކުރުބޭ ރާއްޖެއިން ބޭރަށް ގެންދަން ވާހަކަ މިހާ ހިސާބުން ކިތަންމެ ވަރަކަށް ދެއްކުނު ނަމަވެސް އެފަދަ ބަލިމީހަކު އާދައިގެ ބޯޓެއްގައި ނުގެންދެވޭނެކަމުގައި ހޮސްޕިޓަލުން އެދަނީ ތަކުރާރުކޮށް ބުނަމުންނެވެ. އެހެންކަމުން އެފަދަ ގޮތަކަށް ގެންދެވޭނެ ކަމެއް، އަދި ގެންދެވޭނެ ދުވަހެއް ނޭނގެއެވެ. ދެން އޮތީ އެއާރ އެމްބިއުލާންސްއެވެ. އެފަދަ މެޑިކަލް ފްލައިޓެއް ޗާޓަރު ކުރުމަކީ ނުހަނު ބޮޑު ޚަރަދު ހިނގާ ކަމަކަށް ވެފައި އެމަގު އަދި ކޮށިފައި ނުވާތީ ބަކުރުބޭ ބޭރަށް ގެންދިއުން ލަސްވެގެން ދަނީއެވެ.
ޢާއްމު ފްލައިޓެއްގައި ބަކުރުބޭ ގެންދެވޭނެ އެއްވެސް ޙާލަތެއް އެބަ އޮތްތޯ 12 ޖެނުއަރީ (ހޮނިހިރު) ދުވަހުވެސް ޑޮކްޓަރުންނާ ސުވާލުކޮށް އެ ހުށަހެޅުން ތަކުރާރު ކުރެވުނެވެ. ނަމަވެސް ބަކުރުބޭގެ ޙާލަތަށް ބަލައި ޑޮކްޓަރުންގެ ޖަވާބަކަށްވީ ހަމަ ކުރީގެވެސް ޖަވާބެވެ
No comments:
Post a Comment