ބަކުރުބެ ބޭރަށް ގެންދެވިދާނެކަމަށް ހޮސްޕިޓަލުން ބުނުމާއެކު އެކަމާ ގުޅޭ ތައްޔާރީތައް ކުރުމަށް މަސައްކަތް ފެށުނެވެ. އަދި ޖެނުއަރީ 19، ހޮނިހިރު ދުވަހުގެރޭ (މިރޭ) ލަންކާއަށް ބަކުރުބެ ގެންދިއުމަށް ގިނަ މަސައްކަތްތަކެއް ކުރެވިއްޖެއެވެ. އެހެންނަމަވެސް ތަފާތު ހުރަސްތައް ކުރިމަތިވެ
ބޭރަށް ފުރުމަށް ފުރަތަމަ ކުރެވުނު މަސައްކަތް ކާމިޔާބެއް ނުވިއެވެ. މިހާރު އަނެއްކާވެސް މަސައްކަތް ކުރިއަށް ގެންދެވެނީ 20 ޖެނުއަރީ (އާދީއްތަ) ދުވަހުގެރެއަށް ދަތުރު ހަމަޖެއްސޭތޯއެވެ. ރިޒަވޭޝަން ހެދުމަށާއި އެއާރލައިނުން ހަމަޖައްސަންޖެހޭ ކަންކަން ހަމަޖެއްސުމަށްޓަކައި އެކުގައި ދަތުރުކުރާ ޑޮކްޓަރާއި ނަރުސްގެ މައުލޫމާތު ބޭނުންވެއެވެ. ހަވީރު 5ގަޑި ބައިވީއިރު ޑޮކްޓަރަކު ހަމަޖެހިއްޖެއެވެ. ނަރުހަކު ހަމަޖެނުހާ އަވަހަކަށް އެއާލައިނުން ހަމަޖައްސަންޖެހޭ ކަންކަން ކުރިއަށް ގެންދެވޭނެއެވެ.
ބަކުރުބޭގެ ހާލަތަށް ރިއާޔަތްކޮށް ދީފައިވާ ޑޮކްޓަރގެ ލިޔެކިޔުންތަކަށް ބަލައި މިގޮތަށް ބޭރަށް ގެންދިއުމަށް އާސަންދަ ޚިދުމަތް ނުލިބޭތީ މިކަމުގައި ބަލިމީހާގެ އެހީތެރިންގެ ފަރާތުން ހަމަޖައްސަންޖެހޭ ކަންކަމާއި ކުރަންޖެހޭ ހޭދަވެސް އިތުރުވެފައިވެއެވެ. އެއީ ބޭރުގެ ހޮސްޕިޓަލާއި ގުޅައި މުއާމަލާތުކޮށް ހަމަޖައްސަންޖެހޭ ކަންކަމާއި ޓިކެޓާއި އެކުގައިދާ ޑޮކްޓަރާއި ނަރުހުގެ ކަންކަން ހަމަޖެއްސުންފަދަ ކަންތައްތަކެވެ. ނަމަވެސް މިހުރިހާ ކަމަކާއެކުވެސް އިތުރަށް ލަސްވިޔަނުދީ އަވަސްކޮށްގެން މާދަމާރޭ ފުރުވާލެވޭވަރުވޭތޯ މިހާރު މިދަނީ މަސައްކަތްކުރެވެމުންނެވެ.
No comments:
Post a Comment