އައި.ސީ.ޔޫގައި މިއަދަށް 15 ދުވަސްވެފައިވާއިރު، ފުރަތަމަ ގެނައިތާ ދެތިންދުވަސްތެރޭ ހޭއަރައި، ވާހަކަ ދެއްކޭވަރުވެ، ޙާލު ރަނގަޅުވާން ފެށި ނަމަވެސް، ޑިސެމްބަރ މަސް ނިމުނު ހިސާބުގައި އިތުރަށް ޙާލު ދެރަވެ އޭރުއްސުރެ ބަކުރުބޭ ހޭ ނާރައެވެ. އެހެންކަމުން 2012 ވަނަ އަހަރު ނިމުނުކަމެއް، 2013 ވަނަ އަހަރު ފެށިއްޖެކަމެއް ބަކުރުބޭއަކަށް ނޭނގެއެވެ. ފާއިތުވި ދެތިން ދުވަހަކާއި ހަމައަށް ބަކުރުބޭގެ ޙާލު ރަނގަޅުވަމުން އަންނަ ކަމުގެ ނިޝާންތަކެއް ބަކުރުބޭގެ ޢާއިލާއަކަށް ފާހަގައެއް ނުކުރެވެއެވެ. ނަމަވެސް ފާއިތުވި ދެތިން ދުވަސްތެރޭގައި ބަކުރުބޭ އެސްފިޔަ ޖަހާލުމާއި އެފަދަ ބައެއް ކުދިކުދި ޙަރަކާތްތައް ފެންނަން ފެށުމުން ބަކުރުބޭ ޙާލު ރަނގަޅުވުމަށް ޢާއިލާއިން ކުރާ އުއްމީދު އިތުރުވެއެވެ. ހޮސްޕިޓަލުން ބުނާ ގޮތުގައި އެފަދަ ބައެއް ޙަރަކާތްތައް ފެނުނަސް އަދިވެސް ބަކުރުބޭ އޮތީ ހޭ ނާރައެވެ. އަދި ހޭ އެރުމާމެދު ވަކިއެއްޗެއް ބުނަން ނޭނގޭ ކަމުގައެވެ. އަދި ބަކުރުބެއަށް ދިމާވި ކަންތައްތަކާ ގުޅިގެން ބަކުރުބޭގެ ސިކުނޑިއަށް ގެއްލުންތަކެއް ލިބިފައިވުމަކީ ވަރަށް އެކަށީގެންވާ ކަމެއްކަމަށްވެސް ޑޮކްޓަރުން ބުނެދެއްވައެވެ.
No comments:
Post a Comment